Live

BBC këshillon stafin të fshijnë TikTok-un nga telefonat e korporatës

21:13 / 21 Mars 2023

Nga Kosova Live

BBC ka këshilluar stafin që ta fshijnë TikTok-un nga telefonat e korporatës shkak të frikës së privatësisë dhe sigurisë.

Siç raportohet, BBC duket se është organizata e parë mediatike në Mbretërinë e Bashkuar që nxjerrë udhëzimin – dhe vetëm e dyta në botë pas transmetuesit publik të Danimarkës, transmeton Telegrafi.

Megjithatë BBC tha se do të vazhdojë të përdorë platformën për qëllime editoriale dhe marketingu për momentin. TikTok ka mohuar vazhdimisht akuzat për dorëzimin e të dhënave te qeveria kineze, pasi kompania është në pronësi të kompanisë ByteDance nga Kina.

Derisa më tani shumë institucione amerikane dhe evropiane, dhe shumë vende sikurse Zelanda e Re, Mbretëria e Bashkuar, Kanadaja e kanë ndaluar aplikacionin TikTok.

Megjithatë, ende lejohet në pajisjet personale.

Frika e madhe është se të dhënat e mbledhura nga platforma nga telefonat e korporatave mund të ndahen me qeverinë kineze nga kompania mëmë e TikTok, ByteDance, sepse selia e saj është në Pekin.

SHBA-ja ndërkohë i ka bërë thirrje kompanisë që të shesë aksionet ose do të përballet me ndalim të plotë.

Shpërndaje në

U Kopjua