Një 16-vjeçare është arrestuar të shtunën rreth orës 20:30 në Ferizaj, nën dyshimin se ka ushtruar dhunë ndaj nënës së vet.
“Mbrëmë, rreth orës 20:30 policia në Ferizaj ka pranuar një informacion se në rrugën “Rexhep Bislimi ” në Ferizaj është një rast i dhunës në familje dhe sulmit. Në lidhje me këtë policët hetues, menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar personin S.S (F/K) e moshës 16 vjeçare, e cila pas një mosmarrëveshje kishte shkaktuar dhunë familjare, duke sulmuar nënën e saj”, thuhet në njoftimin e policisë.
E dyshuara, pas intervistimit në prani të prindit dhe avokatit, është dërguar në mbajtje për 24 orë.
Rasti është cilësuar ” Dhunë në familje, sulmi dhe asgjësim apo dëmtimi i pasurisë “.
