Klubet vazhdojnë të mbeten të shqetësuara për moslicencim nga ana e Ministrisë së Kulturës, Rinisë dhe Sportit dhe në këtë formë po e humbasin edhe mbështetjen përmes ligjit të sponsorizimit.
Sot klubet e futbollit janë më keq se kurrë, pasi Ministria ka bllokuar këtë proces dhe nuk jep shpresa për ta licencuar FFK-në. Ani pse ministri e pranoi se FFK-ja i ka plotësuar të gjitha dokumentet, janë disa klube që nuk e kanë bërë një gjë të tillë dhe kjo ka bërë që i gjithë procesi të bllokohet, shkruan Demokracia.com.
Sot gjatë ditës klubet kanë tentuar një takim me ministrin Hajrulla Çeku, por ai nuk e ka bërë një gjë të tillë duke i injoruar ato.
Nuk po e kuptoj Ministrin Çeku, a është duke e ditur se është Ministër i Sportit por edhe i futbollit ku dy emaila zyrtare ia kemi dërguar por nuk na është përgjigjur, prandaj kjo është shqetësuese sepse nuk po respektohen donatorët dhe njerëzit që i mbajnë klubet’, ka shkruar trajneri i Llapit, Tahir Batatina i cili është edhe donatori kryesor te kjo skuadër.
Postimi i plotë i Tahir Batatinës:
Nuk po e kuptoj Ministrin Çeku, a është duke e ditur se është Ministër i Sportit por edhe i futbollit ku dy emaila zyrtare ia kemi dërguar por nuk na është përgjigjur, prandaj kjo është shqetësuese sepse nuk po respektohen donatorët dhe njerëzit që i mbajnë klubet.
Nuk po e kuptoj nga cila fushë vjen Ministri jonë por dua t’i them se mos takimi me përfaqësuesit e 30 klubeve të futbollit mund t’i sjell problem vazhdimësisë së kampionatit dhe futbollit tonë sepse nuk është transparente dhe as etike mos të takohen përfaqësuesit e klubeve dhe ata që falë tyre Ministri Çeku shkon shikon ndeshje futbolli dhe krenohet me të arriturat e futbollit, kur je ministër je i të gjithëve dhe i sportit dhe nuk e di se çfarë të brengos të takohesh me përfaqësuesit e klubeve, atyre që ua keni vështirësuar punën e së ekzistuarit duke bërë filma dhe duke mos i respektuar as edhe Ligjin për Sponsorizim.
Brenda Ministrisë bëni shkresa të brendshme dhe ngatërroni licensimin me sponsorizimin dhe kjo ka bërë që klubet të mbetën në mëshirë të fatit e këtë Ligj, Qeveritë e kalura e kanë miratuar në kuvend ku ju e mohoni një gjë të tillë dhe bëheni sikurse asgjë nuk dini por i dini të gjitha sepse je Ministër dhe Zoti i shtëpisë.
Nuk duhet të kërkojmë takim me Ministrin e Bujqësisë sepse nuk është i fushës tonë por me ju Ministër mos ke frikë sepse takimi ynë me ty nuk do ishte problem por nëse mendon se je nivel i lartë duhet të kuptosh se ky popull të ka vendosur aty dhe ky popull të largon nga aty.
Do na kërkosh në takim por mundemi me qenë duke menduar si t’ua sigurojmë pagat lojtarëve dhe stafit e pastaj nuk do kemi kohë të takohemi ne me ty dhe do të jetë vonë.
Komuniteti i futbollit duhet ta vlerësoj vetë mos transparencën e institucioneve karshi njerëzve që investojnë në rininë e këtij vendi.
