Mijëra njerëz janë mbledhur në Buenos Aires, për ta pritur kombëtaren e Argjentinës të cilët të dielën e fituan Kupën e Botës kundër Francës në penallti.
Skuadra fituese e Kupës së Botës, mbërriti në shtëpi në orët e hershme të mëngjesit të së martës me turma të mëdha që rridhnin rrugëve dhe brohoritnin për kthimin e tyre.
Kapiteni Lionel Messi doli së pari nga avioni së bashku me trajnerin Lionel Scaloni përpara se autobusi i hapur i skuadrës të përshëndetej për t’u nisur drejt Buenos Airesit.
Argjentina e ka fituar trofeun e madh pas 36 vitesh.
“Skuadra e kampionëve të botës do të niset të martën në mesditë për në Obelisk për të festuar titullin e botës me tifozët”, tha Federata Argjentinase e Futbollit (AFA) në llogarinë e saj zyrtare në Twitter.
Qeveria argjentinase deklaroi se e marta do të ishte një festë në mënyrë që i gjithë vendi “të mund të shprehë gëzimin e tij më të thellë për ekipin kombëtar”.
“Argjentinë, ja ku kemi ardhur”, tha presidenti i AFA-s, Claudio Tapia në llogarinë e tij në Twitter.
Argjentinasit, të cilët dolën në rrugë në çdo cep të vendit pasi fituan Botërorin e tretë, po presin me padurim ardhjen e ekipit për të vazhduar festimet.
“Dua të jem në Argjentinë për të parë se sa çmenduri është. Dua që ata të më presin, mezi pres të shkoj atje dhe ta shijoj me ta,” tha kapiteni i skuadrës, Lionel Messi.
It's 3:30 am in Argentina. World champions.pic.twitter.com/HXtBKAyCI6
— Roy Nemer (@RoyNemer) December 20, 2022
