Mos respektimi i rregullave të komunikacionit është një ndër arsyet e aksidenteve të shumta që po ndodhin çdo ditë. E një prej mënyrave të zakonshme për parandalimin e këtyre aksidenteve, është gjobitja e atyre që shkelin rregullat në trafik, shkruan Gazeta Sinjali.
Statistikat tregojnë se mijëra gjoba shqiptohen çdo ditë në vendin tonë.
Policia ka njoftuar se në 24-orëshin e fundit ka shqiptuar 1807 gjoba trafiku ndaj atyre që nuk respektuan rregullat.
Përgjatë këtij 24 orëshi, aksidente trafiku me të lënduar u raportuan 21, ndërsa 34 ishin me dëme materiale.
Po ashtu, në të dhënat e policisë janë arrestuar 25 persona, ndërsa 22 janë dërguar në mbajtje.