Real Madridi duket se ia ka “marrë dorën” Liverpoolit. “Los Blancos” triumfuan edhe në shtëpi ndaj “Reds” për t’u kualifikuar në çerekfinale të Ligës së Kampionëve.
Edhe pse kishin epërsinë e tre golave nga fitorja 5:2 në “Anfield”, Real Madridi nuk u mbrojt në asnjë minutë, duke rrezikuar disa herë portën e Alisson Becker.
Përkundër ndeshjes mjaft intenzive dhe me raste të mira shënimi, pjesa e parë u mbyll pa gola të shënuar.
Në të dytën, madrilenët vazhduan me ritmin e njëjtë, por jo edhe të zgjedhurit e Jurgen Klopp.
Liverpooli nuk pati asnjë rast të mirë shënimi në pjesë të dytë.
Ndërkohë, goli i vetëm i ndeshjes erdhi në minutën e 79-të, kur Benzema realizoi pas një asistimi nga Vinicius Junior.
Ndërkaq, në ndeshjen mes Napolit dhe Frankfurtit e fitoi skuadra italian me rezultatin e pastër në 3:0, duke siguruar kështu kualifikimin tujte në çerekfinale të këtij kompeticioni.
Dy gola për Napolin i shënoi Victor Osimhen dhe një erdhi nga Zielinski.