Live

Serbja që jeton në Istog: Fqinjen shqiptare e kam si motër, kurrë probleme s’kam

20:03 / 29 Mars 2023

Nga Kosova Live

Qytetarja serbe, Blagica Popovic, e cila jeton në Istog, ka folur për bashkëjetesën me qytetarë shqiptarë në Kosovë.

Në një prononcim për lajmi.net, Popovic ka deklaruar se nuk ka pasur kurrë probleme nga shqiptarët.

Ajo ka thënë se është rritur me shqiptarë dhe vazhdon të shoqërohet me ta.

Përkundër shumë paragjykimeve, Popovic ka deklaruar se edhe sot ka njërën fqinje shqiptare dhe e cilëson si “motër”.

Popovic ka folur edhe për njohjen me bashkëshortin, tashmë i ndjerë.

“Me burrin nuk ka me lind më asi njeri. Me vet nëpër Pejë për atë, tanë kanë me të kallëzu. Ai vike te tezja, atje jemi njoftu. E kanë çu burrin e tezes ata te baba jem. Ai ka qenë edhe me fëmijë si vllazën, s’ka ditë me ju britë, ka ditë me i dënu kur ka thanë ‘boll mo’”, ka treguar Popovic.

Popovic ka thënë se gjatë luftës në Kosovë, ishin frikësuar që bashkëshortin e saj do ta merrnin shteti serb për të luftuar në Kosovë, andaj edhe janë detyruar të ikin në Mal të Zi.

Shpërndaje në

U Kopjua