Ministri serb i Mbrojtjes, Millosh Vuçeviq, ka thënë se situata në veri të Kosovës është e qetë, po sipas tij, “tensionet mund të shpërthejnë në çdo minutë”.
Vuçeviq ka theksuar se pret një veprim vendimtar nga KFOR-i siç tha “në mbrojtjen e serbëve në Kosovë”.
“Është e rëndësishme nëse serbët arrijnë të shprehin në mënyrë paqësore kundërshtimin e tyre ndaj asaj që po ndodh me ta, veçanërisht në katër komunat në veri, pa përshkallëzim të mëtejshëm”, tha Vuçeviq për TV Prva, shkruan Kosovonline.
