42-vjeçari Altjon Sulejmani ka rënë në pranga të policisë së Fierit pasi akuzohet se i kishte vënë flakën banesës së prindërve të moshuar.
Ngjarja ndodhi një ditë më parë në lagjen “15 tetori” në Fier.
Policia thotë se nga hetimet paraprake, rezulton se 42-vjeçari i ka vënë zjarrin banesës ku jetonte bashkë me prindërit, më pas i ka mbyllur dyert në mënyrë që të mos dilnin dhe është larguar.
Ndaj tij rëndojnë akuzat për veprat penale penale “Vrasja për shkak të marrëdhënieve familjare”, e mbetur në tentativë, “Dhuna në familje” dhe “Shkatërrimi i pronës me zjarr”.