Ministri i Sigurisë së Bosnjës Nenad Neshiq u arrestua të enjten së bashku me gjashtë të tjerë me akuza për krim të organizuar, duke përfshirë pastrim parash, shpërdorim detyre dhe pranim ryshfeti, tha zyra e prokurorit të shtetit në një deklaratë.
Prokurori i shtetit dhe Ministria e Brendshme e Republikës Sërpska të Bosnjës (RS) kanë hetuar korrupsionin e dyshuar në kompaninë publike Roads of RS, ku Neshiq ishte menaxher i përgjithshëm nga 2016-2020.
Menaxheri aktual i përgjithshëm i kompanisë Milan Dakiq u arrestua gjithashtu, si dhe Mladen Luçië, vëllai i një ish-ministri.
Askush nga kompania nuk ishte menjëherë i disponueshëm për të komentuar. Prokuroria nuk dha emrat e katër të tjerëve të arrestuar, raporton Reuters
Presidenti i Republikës Sërpska Milorad Dodik, i cili është vetë në gjyq në gjykatën shtetërore të Bosnjës për kundërshtimin e vendimeve të të dërguarit ndërkombëtar për paqen Christian Schmidt, akuzoi zyrën e prokurorisë për një fushatë persekutimi kundër zyrtarëve të qeverisë serbe.
Shpërndaje në
SONDAZH
Loading ...
