Kremlini thotë se i dërguari amerikan Steve Witkoff dhe Vladimir Putin i Rusisë kanë zhvilluar bisedime “konstruktive”, ndërsa afati i fundit i Donald Trump që Moska të bjerë dakord për një armëpushim në Ukrainë po afron.
Ndihmësi i politikës së jashtme Yuri Ushakov tha se, gjatë takimit të tyre tre-orësh, Putin i transmetoi “sinjale” Witkoff-it mbi atë që ai e quajti “çështja ukrainase” dhe “mori sinjale përkatëse” nga pala amerikane, raporton BBC, transmeton Klankosova.tv.
Ushakov shtoi se më shumë informacion rreth negociatave do të ndahet pasi Witkoff t’i raportojë Trumpit.
Presidenti amerikan ka thënë se Rusia mund të përballet me sanksione të rënda ose të shohë sanksione dytësore të vendosura kundër të gjithë atyre që tregtojnë me të nëse nuk ndërmerr hapa për t’i dhënë fund “luftës së tmerrshme” me Ukrainën.
