Një grup ndërkombëtar i njohur si “Anonymous” ka kërcënuar presidentin serb Aleksandar Vuçiq. Në një postim në Twitter me flamurin e Ukrainës, dhe në një video, ata flasin për ngjarjet e fundit në Kosovë me ofendime dhe kërcënime dhe kërcënojnë hapur presidentin e Serbisë.
Mesazhin kërcënues të publikuar në video e përcjellim të plotë.
“Përshëndetje qytetarë të botës, ky është mesazhi i Anonymous për presidentin e Serbisë, Aleksandar Vuçiq, kemi vërejtur se tensionet dhe provokimet luftarake në veri të Kosovës nga grupet kriminale serbe po tentojnë të provokojnë konflikt të armatosur.
Presidenti autokratik serb Aleksandar Vuçiq, një kukull e Vladimir Putinit, po përpiqet të destabilizojë rajonin, duke përdorur mekanizmat e dhunës dhe terrorit të kriminelit të luftës Slobodan Millosheviç, por dihet se përpjekjet e tij do të jenë vetëvrasëse për të.
Në kulmin e luftës në Ukrainë, Serbia ishte dhe është ende i vetmi vend që deklaroi zyrtarisht një aleancë me Rusinë, duke hedhur poshtë thirrjet e vazhdueshme nga Perëndimi për t’iu bashkuar sanksioneve të Bashkimit Evropian.
Dhe jo vetëm kaq, por Vuçiq, kukulla e Putinit, tregoi edhe një herë zellin e tij luftarak, si shkatërrues i stabilitetit rajonal, duke kërcënuar integritetin territorial të Kosovës duke folur për kthimin e forcave serbe në Kosovë, patrullimet në zonën kufitare, shpalljen e gjendjes së jashtëzakonshme që ai vetë e krijon, si justifikim për të shmangur thelbin e problemit.
Nxitja e dhunës, sulmet ndaj gazetarëve, sulmet ndaj policisë, institucioneve të Kosovës dhe atyre me mandat ndërkombëtar, si dhe vendosja e barrikadave dhe përdorimi i strukturave të inkriminuara në veri të Kosovës, është pjesë e strategjisë së qeverisë suaj për krijimin e një gjendje tensioni dhe për të mbajtur Kosovën dhe rajonin peng të retorikës së së kaluarës. Por ne nuk do të qëndrojmë indiferentë përballë këtij terrori. Përgjigja jonë kolektive do të jetë vendimtare dhe e menjëhershme. Anonymous nuk është një grup i vogël njerëzish të pafuqishëm për t’u injoruar. Ne jemi një kolektiv i organizuar dhe aktiv i njerëzve me mendje të njëjtë dhe nëse nuk i ndaloni veprimet tuaja të rrezikshme në Kosovë, mesazhi ynë do të jetë i qartë.
Populli i Kosovës nuk është pa mbështetje. Ne jemi Anonymous. Ne jemi legjion. Ne nuk falim. Nuk harrojmë. Na prisni”, thuhet në mesazhin e “Anonymus”.
NEW: Anonymous – Message to Serbian President
— Anonymous TV 🇺🇦 (@YourAnonTV) December 29, 2022
"#Anonymous is not a small group of powerless people to ignore, we are an organised , globally active, collective of like-minded individuals and our message will be clear, if you don't stop your dangerous actions in #Kosovo." pic.twitter.com/dNOqfmhIdn
