Formacionet zyrtare: Lituani-Kosovë, ka shumë ndryshime

Kombëtarja e Kosovës dhe ajo e Lituanisë kanë publikuar tashmë formacionet për ndeshjen e vlefshme për Ligën e Kombeve. 

Dardanët luajnë sot (e shtunë) në udhëtim te Lituania në kuadër të ndeshjes së vlefshme për Grupin 2 në Ligën C të Ligës së Kombeve.

Kjo ndeshje pritet të zhvillohet në “S. Dariaus ir S. Girėno stadionas” të Kaunas nga ora 15:00.

Tashmë kanë dalë edhe formacionet zyrtare për këtë ndeshje, ku përzgjedhësi Franco Foda ka bërë shumë ndryshime.

Nga minuta e parë do të debutoj portieri Amir Saipi, ndërsa titullarë janë edhe Lumbardh Dellova dhe Albion Rrahmani.

Pjesë e formacionit titullarë janë edhe ‘senatorët’, kapiteni Amir Rrahmani, Mërgim Vojvoda, Valon Berisha, Edon Zhegrova dhe Milot Rashica.

Formacionet zyrtare 

Lituania: Gertmonas; Kazukolovas, Girdvainis, Tutyskinas; Sirvys, Vorobjovas, Gineitis, Lasickas; Dolznikov, Slivka; Kucys; 

Kosova: Saipi; Vojvoda, Rrahmani, Dellova, Rrudhani; Rexhbecaj, Berisha; Zhegrova, Muslija, Rashica; Rrahmani;