Përderisa republikani Donald Trump e përfundoi fjalimin e tij përfundimtar të fushatës, BBC-ja e solli rezultatin e parë të zgjedhjeve presidenciale në ShBA.
Qendra e parë e votimit në Shtetet e Bashkuara u hap pak më parë në vendbanimin Dixville Notch, në New Hampshire, raporton televizioni BBC.
Komuniteti i hapi dyert për votim në mesnatë për të marrë pjesë në traditën vjetore të votimit në mesnatë. Votimi ishte i hapur derisa të votonin të gjithë. Gjithsej gjashtë njerëz kishin votuar në zgjedhjet paraprake në janar të këtij viti.
Rezultati? I ndarë në dysh – tri vota për demokraten Kamala Harris, tri për republikanin Donald Trump.
Qendrat e tjera të votimit në New Hampshire nuk do të hapen deri në mëngjes sipas zonës kohore lokale. Sipas rregullave, ato duhet të jenë të hapura më së largu në orën 11:00 sipas kohës lokale./Nacionale/Nasuf Abdyli
Shpërndaje në
SONDAZH
Loading ...
