Dyshohet se dhunuan një 15-vjeçar gjatë arrestimit, pezullohen tre punonjës policie në Tiranë

Tre oficerë të patrullës së përgjithshme pranë komisariatit nr.6 në Tiranë, janë pezulluar nga detyra.

Ata janë pezulluar pas një videoje të publikuar në rrjetet sociale, ku gjatë veprimeve operacionale për arrestimin e një 15-vjeçari që qarkullonte me armë zjarri në Fushë-Mëzez, ushtronin dhunë ndaj tij.

Punonjësit e pezulluar janë, R. H., me detyrë oficer i patrullës së përgjithshme në Komisariatin e Policisë Nr.6; B. A., me detyrë oficer i patrullës së përgjithshme në Komisariatin e Policisë Nr.6; A. K., me detyrë specialist rendi në Komisariatin e Policisë Nr.6.

Ndërkohë Drejtori i Përgjithshëm i Policisë së Shtetit ka urdhëruar Drejtorinë e Standardeve Profesionale për të nisur ecurinë disiplinore ndaj punonjësve të Policisë, për shkelje të rëndë.

Shpërndaje në

U Kopjua

SONDAZH

Kë do e votoni me 9 shkurt 2025 për kryeministër?

• Albin Kurti - LVV
• Bedri Hamza - PDK
• Lumir Abdixhiku - LDK
• Ramush Haradinaj - AAK

Shiko Rezultatin

 Loading ...