Raportimet në Itali dhe Francë pohojnë se Napoli është në kontakt me agjentin e anësorit të Lille, Edon Zhegorva për mundësinë e një transferimi në Stadio Maradona për të zëvendësuar Khvicha Kvaratskhelia në largim, ndërsa diskutimet për Alejandro Garnacho të Manchester United gjithashtu vazhdojnë.
Sipas ekspertit të transferimeve të Sky Sport, Florian Plettenberg , si dhe Le Parisien dhe CalcioNapoli.it, napoletanët janë në kontakt me përfaqësuesit e Zhegrovës, por Lille aktualisht nuk dëshiron ta lërë 25-vjeçarin të largohet në janar.
Le Parisien pretendon se tashmë ka një marrëveshje për kushtet personale me Zhegrovën, por ka ende një hendek për të kapërcyer mes dy klubeve.
Është një situatë e ngjashme për Napolin dhe Garnacho, të cilët thuhet se kanë rënë dakord për një sërë kushtesh personale, por ka ende një ndryshim të konsiderueshëm në vlerësimet e dy klubeve.
Skuadra e Antonio Contes po kërkon në mënyrë aktive një anësor të ri për t’u shtuar në radhët e tyre këtë muaj pas largimit të Kvaratskhelia për Paris Saint-Germain.
Gjeorgjiani tashmë është larguar nga Napoli dhe pritet të përfundojë zyrtarisht kalimin te PSG në ditët në vijim.
Shpërndaje në
SONDAZH
Loading ...
