Zëvendësndihmës Sekretari amerikan i Mbrojtjes për Politikën Evropiane dhe të NATO-s, David Baker po qëndron në vizitën e tij të parë zyrtare në Kosovë.
Kjo është bërë e ditur nga ambasada amerikane në Kosovë, njofton Klankosova.tv.
Ai është pritur në takim nga e ngarkuara me punë e misionit diplomatik të Amerikës në Kosovë, Anu Prattipati.
Gjatë vizitës së tij, Baker do të takohet me zyrtarë të lartë të Kosovës për të diskutuar bashkëpunimin e vazhdueshëm në mbrojtje SHBA-Kosovë dhe përpjekjet e përbashkëta për të promovuar sigurinë rajonale, transmeton Klankosova.tv.
