Presidenti amerikan Donald Trump, ka shkarkuar një ekip kopshtarësh që punonin në Kopshtin e Trëndafilave në Shtëpinë e Bardhë, pas një dëmtimi të rëndë në pllakat prej guri gëlqeror.
Përmes një postimi në rrjetin e tij “Truth Social”, Trump tregoi se kishte vënë re një çarje të madhe, rreth 23 metra të gjatë në gurët dekorativë, transmeton klankosova.tv.
Ai fajëson kopshtarët, të cilët sipas tij e dëmtuan sipërfaqen ndërsa lëviznin një paletë me makinë dore.
“Menjëherë fillova të bërtas: ‘Kush e bëri këtë, dua ta di tani!’”, shkroi Trump, duke shtuar se nuk e tha “në mënyrë të sjellshme”.
Madje ai, e cilësoi incidentin si “vandalizëm ose budallallëk”.
Sipas Trump, përmes kamerave të sigurisë u identifikuan përgjegjësit të cilët, siç thekson ai me ironi, ishin vëzhguar nga shefi i tyre “me syze dielli”.
Ky është një tjetër shkarkim që i shtohet listës së gjatë të largimeve nga ekipi i Trump këtë vit.
