Javën e kaluar në qytetin e Podujevës është zbuluar shtatorja e presidentit Dr. Ibrahim Rugova.
Në këtë ceremoni morën pjesë krerët e shtetit, presidentja Vjosa Osmani, kryeministri Albin Kurti, zëvendëskryeministrja Donika Gërvalla, ish-presidenti Fatmir Sejdiu e deputetë të tjerë.
Në ceremoninë e zbulimit të shtatores, fjalë rasti nuk pati kryeministri Albin Kurti, gjë për të cilën, kryetari i Podujevës, Shpejtim Bulliqi, tha se arsyeja është se “kemi dashur ta nderojmë zëvendëskryeministren Donika Gërvallën”.
“Gërvalla e ka marrë fjalën, bashkëpunëtorja e afërt e Kurtit dhe krejt kjo ka qenë arsyeja e vetme pse Kurti s’e ka marrë fjalën. Gërvalla ka qenë një nga bashkëpunëtoret më të afërta të Rugovës, dihet historiku i saj, dihet nga çfarë familje rrjedh dhe kjo ka qenë një moment ku iu ka dhënë një mundësi një zëvendëskryeministre, pasi mendoj se kryeministri dhe zëvendëskryeministri janë aty pari”.
“Unë po iu them se po të mos ishte Donika, atëherë fjala do t’i takonte kryeministrit të vendit. Meqë iu dha mundësia zëvendëskryeministres të kishte fjalë rasti, ishte presidentja me fjalë rasti, tash edhe kryeministri me fjalë rasti, do të ekzagjerohej shumë fjalime brenda një manifestimi”, tha Bulliqi në Klan Kosova.
Bulliqi foli edhe për mosftesën e kryetarit të LDK-së, Lumir Abdixhiku, pë të cilin tha se nuk i ka çuar ftesë pasi sipas tij, Abdixhiku e ka tërhequr fotografinë e Rugovës nga zyra e tij përpara një interviste.
“Unë i kam ftuar të gjithë njerëzit që kam vlerësuar se kanë dhënë kontribut për LDK-në. E kam ftuar degën e LDK-së në Podujevë, e kam ftuar presidentin Sejdiu, i kam ftuar deputetët e LDK-së që e di se kanë punuar shumë për LDK-në, Armend Zemaj, Arben Gashi e ka pasur ftesën dhe i kam ftuar të gjithë ata që kam menduar se kanë dhënë kontribut të gjatë në LDK”.
“Në momentin që u zbulua fakti se Lumir Abdixhiku e tërheq fotografinë e presidentit Rugova prej zyrës ku e jep intervistën, atëherë cila është arsyeja ta ftoj një personalitet që për ta ngritur imazhin e vet, e sposton anash”, tha Bulliqi.
Shpërndaje në
SONDAZH
Loading ...
