Live

Hamasi konfirmon vdekjen e udhëheqësit të tij ushtarak

07:54 / 31 Gusht 2025

Nga Kosova Live

Grupi militant palestinez, Hamas konfirmoi të shtunën vdekjen e shefit të tij ushtarak në Gaza, Mohammad Sinwar, disa muaj pasi Izraeli tha se e vrau atë në një sulm në maj.

Hamasi nuk dha detaje mbi vdekjen e Sinwar, por publikoi fotografi të tij së bashku me udhëheqës të tjerë të grupit, duke i përshkruar ata si “martirë”.

Mohammad Sinwar ishte vëllai më i vogël i Yahya Sinwar, shefit të fraksionit islamist, i cili ishte bashkë-organizator i sulmit të 7 tetorit 2023 ndaj Izraelit dhe të cilin Izraeli e kishte vrarë në luftime një vit më vonë, shkruan Reuters, transmeton Klankosova.tv.

Ai u ngrit në radhët më të larta të grupit pas vdekjes së vëllait.

Vdekja e tij e konfirmuar do ta linte bashkëpunëtorin e tij të ngushtë Izz al-Din Haddad, i cili aktualisht mbikëqyr operacionet në Gazën veriore, në krye të krahut të armatosur të Hamasit në të gjithë enklavën.

Shpërndaje në

U Kopjua