Ambasadori amerikan, Christopher Hill tha sot se ideja e presidentit serb Aleksandër Vuçiq që presidenti i sapozgjedhur i SHBA-së, Donald Trump dhe ai rus Vladimir Putin të takohen në Serbi, sigurisht që do të shqyrtohet në Uashington.
“Pashë që presidenti shprehu mendimin e tij. Natyrisht, ideja do të studiohet në Uashington”, u tha Hill gazetarëve në një pritje të organizuar nga Ministri i Punëve të Jashtme Marko Gjuriq me rastin e Vitit të Ri sipas kalendarit Julian për ambasadorët dhe shefat e misioneve.
Hill shtoi se ai nuk kishte dëgjuar ende asgjë nga Uashingtoni në lidhje me propozimin.
“Por unë do të them se sa herë që presidenti Vuçiq ka mendime për një temë, njerëzit i konsiderojnë ato mendime me shumë kujdes. Kjo është gjithçka që mund të them vërtet, sepse ishte një lajm për mua”, tha Hill.
I pyetur se cili është qëndrimi i tij personal lidhur me propozimin e Vuçiqit, Hill thotë se nuk është i gatshëm ta komentojë atë.
“Mund të them vetëm se njerëzit në Uashington, jam i sigurt, do ta shikojnë atë ide,” tha Hill, i cili do të përfundojë mandatin e tij në Beograd javën e ardhshme dhe do të kthehet në Amerikë.
Presidenti serb, Vuçiq tha dje se Serbia është e interesuar të jetë vendi i takimit mes Putinit dhe Trump.
Shpërndaje në
SONDAZH
Loading ...
