Ministri i Jashtëm i Rusisë ka thënë se garancitë e sigurisë “duhet t’i nënshtrohen konsensusit” pasi aleatët e Ukrainës u takuan më parë këtë javë për të diskutuar rreth mbrojtjes.
Sergei Lavrov i tha “NBC News” se Rusia kishte paraqitur garanci sigurie “disa herë”.
Ai shtoi se Vladimir Putin është gati të takohet me Volodymyr Zelenskyn “kur agjenda të jetë gati”, por sugjeroi që presidenti i Rusisë nuk do të nënshkruajë një marrëveshje paqeje me homologun e tij ukrainas.
Moska ka vënë në pikëpyetje legjitimitetin e presidentit të Ukrainës, pasi zgjedhjet në vend u shtynë vitin e kaluar për shkak të gjendjes së jashtëzakonshme.
“Kur të arrijmë në një fazë kur duhet të nënshkruani dokumente, do të na duhet një kuptim shumë i qartë nga të gjithë se personi që po nënshkruan është legjitim”, tha ai.
“Sipas kushtetutës ukrainase, Zelensky nuk është për momentin”, shkruan Skynews, transmeton Klankosova.tv.
