Live

LDK: VV s’ka interes për zhbllokim, mungesa e deputetëve po e rëndon situatën

11:44 / 15 Qershor 2025

Nga Kosova Live

Deputeti i Lidhjes Demokratike të Kosovës, Paris Guri, ka reaguar pas dështimit të 32-të për konstituimin e Kuvendit të Kosovës, duke e cilësuar këtë situatë si të papranueshme.

“Është e papranueshme që edhe për herën e 32-të nuk mbërrihet të konstituohet Kuvendi. VV dhe kryeministri në detyrë, përveç që nuk kanë interes në zhbllokimin e situatës, nuk kanë interes as në pjesëmarrje”, tha Guri.

Ai kritikoi gjithashtu mungesën e deputetëve në seanca, duke e cilësuar si shqetësuese.

Ndërkohë, Lëvizja Vetëvendosje vazhdon të insistojë në kandidatin e saj për kryetar Kuvendi dhe në mënyrën aktuale të votimit, ndërsa PDK dhe AAK kanë kërkuar që VV të propozojë një emër të ri. LDK ka konfirmuar se nuk do të mbështesë asnjë kandidat të Vetëvendosjes.

Shpërndaje në

U Kopjua