Më shumë se 1 milion analiza janë kryer në Klinikën e Biokimisë në QKUK, ndërsa këto shërbime morën mbi 340 mijë pacientë, raporton Ekonomia Online.
Krahas shërbimeve që marrin klinikat e QKUK-së, së fundmi Biokimia ka filluar t’i shërbejnë edhe rasteve ambullantore, ku për një ditë numri i rasteve shkon në 140.
Për gjitha këto, drejtori i kësaj Klinike, Shemsi Veseli, ka thënë për Ekonomia Online, se shifra e analiza mund ta tejkalojë numrin e saktë, pasi siç thotë brenda një analize bëhen disa sosh.E shuma e përafërt e këtyre analizave, kap shifrën e 10 milionë eurove.
“Ne për çdo javë dhe për çdo muaj, i nxjerrim të dhënat por për tetë muaj është më shumë se një milion analiza duke mos e rritur numrin e tyre, sepse brenda një analize mund të jenë edhe 28 analiza, ndërsa kanë qenë më shumë se 340 mijë pacientë. Në klinikën e Biokimisë bëhet një punë shumë e madhe, përpos që jemi në shërbim të të gjitha Klinikave, normalisht ka raste edhe nga spitalet e Përgjithshme, dhe ka raste edhe për rasteve ambullantore”, tha ai, duke thënë se 140 raste ambullantore brenda ditës.
E shifra e këtyre analizave nëse do të paguheshin me çmimin e tregut, atëherë sipas Veselit do të kapte shifrën e 10 milionë euro.
“Unë shpesh kam kërkuar që ta bëjmë kalkulimin sesa është çmimi i tregut. Nëse flasim për këto 1 milion analiza që janë kryer, jam mëse i bindur se nëse do të ishte sigurimi shëndetësor, inkasimi kishte me kalu më shumë se 10 milionë, jam i bindur se kjo do të kalohej. Për arsye se nëse flasim për një analizë të didimerit i cili në privat mund të variojë 10 apo 15 euro, tek ne thuajse bëhet gratis. Në kohën kur ka qenë i shprehur Covidi, i kemi bërë 250 analiza të dedimerit brenda 24 orëve”, tha Veseli, teksa shtoi se gjatë pandemisë kishte mungesë të furnizimit me didimer.
Sfidë për këtë Klinikë, është mungesa e stafit.
Sipas Veselit, në Biokimi ka nevojë edhe për 20 teknik laboratori.
“Kemi nevojë për staf edhe mjekë gjithashtu, por për momentin mëse imediate është me teknik laboratori, pra na duhet tek edhe sporteli që do na lehtësonte, por edhe në laboratorin e Qendrës emergjente që do ta mbante administrative. Duke mos e kërkuar maksimalen, por gjithmonë jam kujdesur edhe për çështje buxhetore, e kam parashikuar për 20 teknikë laboratori, për arsye se një pjesë e kolegëve kanë shkuar në pension por që ka raste kur edhe ka vdekur kolegu gjatë pandemisë, dhe kështu nuk janë zëvendësuar numri i tyre. Tash në janar më shkojnë dy në pension dhe dy apo tre të tjerë shkojnë në pension në qershor”, tha ai.
Drejtori i Biokimisë, thotë se disa prej profesionistëve shëndetësor e kanë lënë punën për në privat e disa të tjerë kanë dalë në pension, duke thënë se vitin e ardhshëm është paraparë që të pensionohen edhe katër të tillë.
“Nga Klinika ime që ka dalë jashtë shtetit nuk ka pasur, por ka që e kanë lëshuar punën për motive tjera, për privat gjithsesi por edhe për motive shëndetësore. Një kolege e ka lëshuar punën për në privat sepse natyrisht pagesat kanë qenë më stimuluese. Por një fakt është që ata të mbesin në privat, sepse rreziku është që nëse vazhdon ky trend normalisht se do të kemi telashe”, tha ai, duke thënë se mungesë të laborantit ka edhe në spitalet e Përgjithshme.
Shpërndaje në
SONDAZH
Loading ...
