Sindikata e Punëtorëve të Radio Televizionit të Kosovës (RTK) ka njoftuar se nesër fillon protesta e përgjithshme para Kuvendit dhe Qeverisë së Kosovës, për shkak të mos alokimit të buxhetit për RTK-në dhe mospagesës së pagave për 700 punonjës.
Protesta fillon nga ora 11:00 para Kuvendit të Kosovës.
SPERTK bën thirrje që kjo protestë të jetë e përgjithshme dhe gjithëpërfshirëse, me pjesëmarrjen e të gjithë punonjësve të RTK-së, pa përjashtim.
“Qëllimi i vetëm i kësaj proteste është mbrojtja e RTK-së, dinjiteti i punëtorëve tanë dhe sigurimi i pagave të merituara.Të bashkuar dhe të vendosur – deri në realizimin e kërkesave tona të drejta! SPERTK – Sindikata e Punëtorëve të RTK-së”, thuhet në njoftim.
Njoftim i plotë:
FILLON PROTESTA E PËRGJITHSHME
Të nderuar punonjës të RTK-së,
Nesër, më 06 gusht 2025, fillon protesta e përgjithshme para Kuvendit dhe Qeverisë së Kosovës, për shkak të mos alokimit të buxhetit për RTK-në dhe mospagesës së pagave për 700 punonjës.
🕚 Ora: 11:00
📍 Vendi: Para Kuvendit të Kosovës
SPERTK bën thirrje që kjo protestë të jetë e përgjithshme dhe gjithëpërfshirëse, me pjesëmarrjen e të gjithë punonjësve të RTK-së, pa përjashtim.
👉 Qëllimi i vetëm i kësaj proteste është mbrojtja e RTK-së, dinjiteti i punëtorëve tanë dhe sigurimi i pagave të merituara.
Të bashkuar dhe të vendosur – deri në realizimin e kërkesave tona të drejta!
SPERTK – Sindikata e Punëtorëve të RTK-së
