Qyteti i ndarë i Mitrovicës – më saktësisht ura kryesore mbi lumin Ibër që rri e mbyllur nga viti 1999 – është tema e radhës që trajtohet në kuadër të emisionit dokumentar MAT.
Cila është historia e Urës së Ibrit?
Vendosja e ushtrisë franceze mbi të a ishte një plan apo lëvizje spontane?
Kush është koloneli që u printe forcave franceze e si nderohet ai nga serbët krahas Vladimir Putinit?
Si Serbia synoi ndarjen e Kosovës?
Pse as marrëveshjet e Brukselit s’e hapën urën?
Urat e reja a po bëhen në koordinim me ndërkombëtarët?
Kur do të hapen ato dhe si do të veprojë KFOR në ditën e inaugurimit të tyre?
“Urat me tri këmbë”, është dokumentari që mund ta ndiqni këtë të mërkurë me fillim nga ora 22:00 në Klan Kosova, ku mund ta gjeni të përmbledhur një histori të një qyteti që ndahet nga ura.
