Kryeministri i Republikës së Kosovës, Albin Kurti, ka thënë se materiali arkivor i cili është mbajtur ilegalisht nga komunat paralele dhe strukturat tjera ilegale të Serbisë, pas përpunimit mund të përdoret për qëllime hulumtuese.
Në një postim në rrjetin social Facebook, Kurti ka thënë se transferimi i materialit arkivor në Agjencinë Shtetërore të Arkivave të Kosovës, është rezultat i bashkëpunimit efikas të këtij institucioni me Policinë e Kosovës.
“Bashkëpunim efikas ndërmjet Policisë së Kosovës dhe Agjencisë Shtetërore të Arkivave të Kosovës.
Materiali arkivor që në masë të madhe i takon periudhës 1943-2000, e që për gjithë këto vite është mbajtur ilegalisht nga komunat paralele dhe strukturat tjera ilegale të Serbisë, pas përpunimit nga Agjencia Shtetërore e Arkivave të Kosovës do të mund të përdoret për nevoja dhe qëllime hulumtuese”, shkroi ai.
Shpërndaje në
SONDAZH
Loading ...
