Komandanti i KFOR’it, Ozkan Ulutas, me rastin e përfundimit të mandatit, ka shkuar për vizitë lamtumire tek Kryeministri Albin Kurti, shkruan KosovaLive.
Për këtë vizitë ka njoftuar KFOR’i, në faqen zyrtare në Facebook.
“Në përfundim të mandatit të tij në krye të misionit #KFOR të udhëhequr nga #NATO, gjeneralmajor Özkan Ulutaş ka zhvilluar sot një vizitë lamtumire te Albin Kurti. Gjeneralmajor Ulutaş shprehu mirënjohjen e tij për bashkëpunimin dhe dialogun e fortë të zhvilluar, në mbështetje të përpjekjeve të KFOR-it. Ai gjithashtu ripohoi përkushtimin e palëkundur të misionit për të nxitur një mjedis të sigurt për të gjithë njerëzit dhe komunitetet që jetojnë në Kosovë, në përputhje me mandatin e gjatë të KFOR-it në OKB.”, thuhet në njoftim.
Në njoftim theksohet se Gjeneralmajori Enrico Barduani nga Italia do të marrë komandën e misionit të KFOR’it nesër.
“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të qetë dhe të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i është reaguesi i tretë i sigurisë, pas Policisë së Kosovës dhe misionit të BE-së për Sundimin e Ligjit (EULEX), përkatësisht, me të cilët punojmë në koordinim të ngushtë”, thuhet tutje në njoftim.
Shpërndaje në
SONDAZH
Loading ...
