Shumica e rasteve në Evropë me Li të majmunit janë raportuar në njerëz që kishin udhëtuar në pjesë të Afrikës me shpërthime të vazhdueshme të mpox.
Bëhet e ditur se Irlanda është vendi më i fundit evropian që ka identifikuar një rast të një lloji të ri ngjitës të mpox që po ‘shkatërron’ Afrikën Qendrore.
Pacienti irlandez ishte kthyer së fundmi nga Republika Demokratike e Kongos (DRC), epiqendra e një shpërthimi që ka infektuar mijëra njerëz që nga zbulimi i llojit të ri në vitin 2023.
Ekzistojnë dy lloje të virusit mpox.
Clade II, i cili është endemik në Afrikën Perëndimore dhe shkaktoi shpërthimin global që la në gatishmëri të lartë autoritetet shëndetësore në Evropë dhe Amerikë të Veriut.
Dhe Clade I i cili është endemik në Afrikën Qendrore dhe besohet se ka simptoma më të rënda dhe rrezik më të madh vdekjeje.
Ndërsa një nëngrup i llojit më të rrezikshëm, i njohur si Clade Ib, u shfaq në DRC në shtator 2023 dhe që atëherë është përhapur gjerësisht në të gjithë rajonin, veçanërisht në Burundi dhe Ugandë.
Si përhapet mpox?
Ende nuk dihet shumë për ashpërsinë e Lisë së majmunit, por duket se përhapet më lehtë dhe më shumë tek fëmijët.
Mpox përhapet përmes kontaktit të ngushtë lëkurë me lëkurë dhe mund të shkaktojë skuqje, dhimbje koke, ethe, të dridhura, ënjtje të nyjeve limfatike dhe vështirësi në frymëmarrje.
Raportohet se Organizata Botërore e Shëndetësisë (OBSH) e shpalli shpërthimin mpox të Afrikës një emergjencë globale të shëndetit publik në gusht 2024.
Në atë kohë, autoritetet shëndetësore evropiane paralajmëruan se rastet ka të ngjarë të shfaqen edhe në Evropë, megjithëse rreziku mbetet i ulët, shkruan euronews.
Që atëherë, lloji i ri është zbuluar në gjashtë vende evropiane, si dhe në Shtetet e Bashkuara, Kanada, Kinë, Indi, Oman, Pakistan dhe Tajlandë.
Ja ku është gjetur lloji i ri mpox deri më tani në Evropë.
Irlanda
Autoritetet shëndetësore irlandeze thanë se rreziku mbetet i ulët për publikun pas zbulimit të Clade Ib në një person që ishte kthyer së fundmi nga DRC. Pacienti u shtrua në spital në Dublin.
Mbretëria e Bashkuar
Shumica e nëntë rasteve të raportuara në Mbretërinë e Bashkuar kanë qenë të lidhura me udhëtimet. Infeksioni më i fundit, i raportuar në shkurt, ishte një person që kishte udhëtuar në Ugandë.
Rastet e para ishin në tetor të vitit 2024, kur një person u sëmur pasi u kthye nga vendet afrikane ku qarkullon virusi dhe më pas e përhapia atë tek tre anëtarët e familjes së tyre.
Në shtator, qeveria e Mbretërisë së Bashkuar bleu më shumë se 150,000 doza të vaksinës mpox për t’u përgatitur për rreziqet e mundshme dhe së fundmi hapi vende vaksinimi në të gjithë Anglinë.
Franca
Në janar, dikush në rajonin francez të Brittany mori mpox pas kontaktit të ngushtë me dy persona që kishin udhëtuar nga Afrika Qendrore. Autoritetet shëndetësore franceze thanë se raste të tjera të lidhura me vendet me shpërthime të mpox mund të shfaqen.
Gjermania
Gjermania ka raportuar shtatë raste mpox Clade Ib në janar. Rasti i parë ishte në tetor, me pesë infeksione të tjera në dhjetor, tha Qendra Evropiane për Parandalimin dhe Kontrollin e Sëmundjeve (ECDC).
Rastet e dhjetorit përfshinin dikë që kishte udhëtuar në një zonë të prekur nga shpërthimi dhe më pas kishte infektuar anëtarët e familjes, duke përfshirë fëmijë që nuk kishin qenë jashtë shtetit kohët e fundit, tha ECDC. Nuk kishte përhapje jashtë shtëpisë.
Belgjika
Belgjika identifikoi dy raste në dhjetor, në një person që kishte udhëtuar së fundmi jashtë vendit dhe një fëmijë, sipas ECDC. Agjencia tha se nuk kishte identifikuar asnjë kontakt me rrezik të lartë.
Suedia
Në gusht 2024, Suedia u bë vendi i parë jashtë Afrikës që raportoi një rast të llojit të ri mpox.
Një pacient kërkoi kujdes mjekësor në Stokholm pasi u infektua në një pjesë të Afrikës ku po përhapet Clade Ib mpox, thanë autoritetet shëndetësore suedeze. Mbetet i vetmi rast i vendit.
Shpërndaje në
SONDAZH
Loading ...
