Presidenti rus Vladimir Putin vizitoi Kurskun për herë të parë që kur Moska pretendoi se e kishte rimarrë plotësisht rajonin pas një pushtimi të papritur nga forcat ukrainase vitin e kaluar, raportuan mediat shtetërore ruse të mërkurën.
Putin u takua me udhëheqësit komunalë në qytetin e Kurchatov dhe vizitoi termocentralin bërthamor të Kurskut, i cili është aktualisht në ndërtim e sipër, tha Kremlini, raporton CNN, transmeton Klankosova.tv.
Pamjet të postuara nga mediat shtetërore ruse treguan Putinin e veshur me kostum duke folur me ata që dukeshin të ishin vullnetarë vendas.
Putini tha se forcat ukrainase po përpiqeshin ende të lëviznin drejt kufirit rus, sipas agjencisë së lajmeve RIA Novosti.
Putin gjithashtu urdhëroi një rritje të numrit të njësive të çminimit në Kursk në mënyrë që banorët e zhvendosur të mund të kthehen në shtëpi.
