Federata e Futbollit të Kosovës ka bërë të ditur se gjithçka është gati për ndeshjen e sotme miqësore që kombëtarja do ta zhvillojë në “Fadil Vokrri” ndaj Armenisë.
FFK përmes një video bëri të ditur se fanellat e “Dardanëve” tashmë janë në zhveshtore, ku për dy orë do të nisë përballja miqësore.
Kjo është ndeshja e parë miqësore që Kosova do ta luajë në qershor, kurse të dytën do ta luajë pas tri ditësh ndaj Ishujve Comoros.
Ballafaqimi sot do të nisë nga ora 19:00, ndërsa asnjëra kombëtare deri më tani s’i ka bërë publike formacionet startuese.
