Ftesën ia bëri Prokuroria.
Megjithatë, në Specialen e Kosovës në Hagë, u shty të shfaqej nga Departamenti Amerikan i Shtetit.
Me lejen që i dha Shaun Byrnes, ish-përfaqësues i misionit diplomatik vëzhgues amerikan gjatë luftës në Kosovë, ua lidhi duart si palës ftuese, ZPS, si asaj që synonte ta thërras edhe si dëshmitar të vetin, Mbrojtjes, për pyetjet që mund t’ia parashtronin diplomatit.
Me kufizime do të shfaqen edhe dëshmitarët tjerë të cilët i thërret mbrojtja e Hashim Thaçit nga 15 shtatori e tutje, ngaqë Qeveria Amerikane i ka lëshuar lejet për të rrëfyer çështje të caktuara dhe të mos lëshohen në informacione konfidenciale. Për t’i respektuar këto, do të monitorohen.
Luka Misetiq, avokat kryesor i Hashim Thaçit, ka thënë se: “Përfaqësues të qeverisë së Shteteve të Bashkuara janë autorizuar të jenë të pranishëm gjatë dëshmive. Një aplikim zyrtar për këto masa do të dorëzohet sa më parë të jetë e mundur”.
Në ndihmë të katërshes së UÇK-së i vjen edhe Mbretëria e Bashkuar.
Ministria e Punëve të Jashtme e lëshoi lejen pasi përcolli afatet e diskutuara në konferencën e mbrojtjes më 19 gusht, me kushte sikur amerikanët.
Mbretërisë së Bashkuar i është kërkuar leje edhe për 3 dëshmitarë tjerë ndërkaq ky që i është dhënë drita e gjelbër, paralajmërohet të paraqitet në gjykatore në javën e dytë të kësaj pjese të gjykimit, më 22 shtator.
Për shkak të këtij procesi të ngarkuar ku siç thotë Misetiq, Thaçi do ta jap 100% të vetes, vazhdon të insistojë në shtyrjen e fillimit të gjykimit për rastin e dytë, tentim-pengimin e drejtësisë, në mars të vitit 2026, pasi të kryhen edhe fjalët përfundimtare në rastin e parë.
