Është ndarë sot nga jeta Gjenerali i Ushtrisë Çlirimtare të Kosovës, Gjenerali i FSK-së e veprimtari politik, Imri Ilazi, i njohur si “Komandant Ferri”.
Për ndarjen e tij nga jeta ka shkruar edhe i pari i komunës së Ferizajt, Agim Aliu, i cili tha se morën lajmin e kobshëm pikërisht në Ditën e Dëshmorëve të Kombit të Komunës së Ferizajt.
Ilazi ishte kthyer nga mërgimi duke iu bashkuar radhëve të para të Ushtrisë Çlirimtare të Kosovës, duke qenë zëvendëskomandant në Zonën Operative të Neredimes.
“Kontributi i tij i pashlyeshëm mbetet vlerë dalluese edhe në Forcën e Sigurisë së Kosovës, trashëgimtare e Ushtrisë Çlirimtare të Kosovës, duke qenë Gjeneral i saj, ku përgatiti gjeneratat e ushtarëve të Kosovës. Shembulli i tij atdhetar, mbetet i veçantë në universin gjithëkombëtar, duke e përjetësuar me veprën e tij të jashtëzakonshme, luftën për çlirim , lirinë e Kosovës”, ka shkruar Aliu.
Ndërkohë familjarët ende nuk kanë njoftuar për detajet e ceremonisë së varrimit, duke thënë se për këtë do të njoftojnë me kohë.
Shpërndaje në
SONDAZH
Loading ...
