Abuzimi me substanca narkotike po vazhdon të mbetet një shqetësim i madh në shoqërinë kosovare dhe kjo dëshmohet çdo ditë me kapjen dhe arrestimin e dhjetëra personave konsumues e shpërndarës të substancave narkotike. Sinjali raportoi sot se kështu ndodhi edhe së fundmi në Prishtinë, ku përfundoi në pranga një punonjës i Gjykatës Themelore në Prishtinë.
Sinjali ka mësuar ekskluzivisht se i dyshuari që u kap me substanca narkotike në rrugën “Xhemail Mustafa” është Menduh Peja, shofer i gjykatës.
I dyshuari është ndalur teksa ishte në lëvizje me veturën e tij dhe pas kontrollit, zyrtarët policorë i kanë gjetur drogë të llojit marihuanë dhe kokainë.
Droga e ndarë në qese është sekuestruar, ndërsa i dyshuari është shoqëruar në stacion policor për intervistim.
Pas përfundimit të procedurave policore, Prokurori ka urdhëruar masën e ndalimit policor dhe inicimin e rastit për veprën penale “Posedim i paautorizuar i narkotikëve, substancave psikotrope ose analoge”.
Shpërndaje në
SONDAZH
Loading ...
