Kapiteni i Izraelit, Eli Dasa është ankuar për gjendjen e fushës në stadiumin “Fadil Vokrri”. Izraeli pësoi 1:0 nga Kosova, të dielën.
“Shumë dëshpëruese. Kemi dashur shumë që të fitojmë, por është vetëm një nga katër ndeshjet dhe ende kemi shanse. Do të mbajmë kokën lartë dhe do të besojmë se mund t’ia dalim”, ka thënë ai për mediat Izraelite.
“Nuk mbaj mend një fushë të tillë. Nuk i është përshtatur stilit tonë të lojës dhe i përshtatet më shumë kundërshtarit. Nuk është arsyetim, nuk është fundi. Duhet të shohim para, nuk është fundi. Kushtet nuk na lejuan të luajmë lojën tonë dhe jemi futuar në lojën e pasimeve të gjata”.
