Ambasadori i Palestinës në Mbretërinë e Bashkuar ka reaguar pas komenteve të presidentit amerikan Donald Trump për zhvendosjen e palestinezëve nga Gaza.
Ideja e Trump për të zhvendosur njerëzit në Gaza diku tjetër rrezikon “fshirjen e Palestinës”.
Kështu deklaroi ambasadori palestinez në Mbretërinë e Bashkuar, Husam Zomlot, i cili shtoi se ishte i zhgënjyer nga qasja “e njëanshme” e Trump ndaj konfliktit.
“Kjo ka të bëjë me fshirjen e Palestinës. Dhe epiqendra e kësaj fshirjeje është spastrimi etnik”, tha ai.
Ai tha se shumica e banorëve të Gazës vijnë nga qytete tashmë të “spastruara etnikisht” nga Izraeli.
“Nëse ata janë testuar përmes gjenocidit dhe ata kanë mbetur në shtëpinë e tyre, ajo shfaqje e njëanshme në Uashington nuk do të ndryshojë rrjedhën e historisë. Ne do të mbetemi aty”, tha ai.
E ardhmja duhet të sjellë “të drejtat e patjetërsueshme të popullit palestinez” dhe “krijimin e një shteti të pavarur të Palestinës”.
“Nëse njerëzit nga Gaza do të shkojnë diku, ata do të kthehet në shtëpitë e tyre brenda 48 zonave të pushtuara nga Izraeli në vitin 1948, askund tjetër”, shtoi Zomlot.
“Ne kemi vetëm një atdhe dhe ajo është Palestina”, përfundoi ai.
Shpërndaje në
SONDAZH
Loading ...
