Kryetari i Partisë Demokratike të Kosovës, Memli Krasniqi, ka uruar sot në ditën e tyre, Veteranët e Ushtrisë Çlirimtare të Kosovës.
“Atyre që u ngritën kur Atdheu i thirri – guximi juaj përkufizon lirinë tonë. Nderime për çdo betejë e sakrificë”, ka shkruar lideri i PDK-së.
Ai tha se kjo ditë është e të gjithë luftëtarëve të lirisë që na dhuruan një të ardhme pa robëri – nën qiellin e kaltërt të Kosovës.
“Mirënjohje të përjetshme”, shkroi kreu i PDK-së, Memli Krasniqi.
Sot në Kosovë shënohet Dita e Veteranëve të UÇK-së.
Sipas ligjit për veteranët e luftës së UÇK-së, Dita e Veteranit shënohet më 30 dhjetor.
Kjo ditë përkujton sakrificën, angazhimin dhe kontributin e veteranëve për sjelljen e lirisë dhe pavarësisë për popullin e Kosovës. Sjell në kujtesën tonë edhe betejën e parë të familjes së komandantit legjendar Adem Jashari në Prekaz, më 30 dhjetor 1991, aty ku nisi rruga e lirisë.
Shpërndaje në
SONDAZH
Loading ...
