Ministri i Mbrojtjes, Ejup Maqedonci, bashkë me Komandantin e Forcës së Sigurisë së Kosovës, gjenerallejtënant Bahkim Jasharin, janë pritur nga Ndihmës Sekretari i Mbrojtjes për NATO dhe Evropë, Alton Buland, në Departamentin e Mbrojtjes së Shteteve të Bashkuara.
Sipas një njoftimi të Ministrisë së Mbrojtjes, ministri Maqedonci foli për sukseset e përbashkëta në aktivitetet dypalëshe ën planin e tranzicionit, ku me fokus ishte realizimi i marrëveshjes kornizë në mes të dy vendeve në fushën e mbrojtjes.
“Kjo marrëveshje do të hapë mundësi të reja në fushën e sigurisë dhe mbrojtjes. Më pastaj Gjeneral Jashari diskutoi për aktivitetet e shumta bilaterale ushtarake në mes të dy forcave si dhe për planet konkrete për bashkëpunim dhe bashkëzbarkim me Gardën Kombëtare të Ajovës”.
Po ashtu sipas njoftimit një diskutim tjetër i rëndësishëm ishin hapat e mëtutjeshëm për finalizimin e planit 10 vjeçar të tranzicionit.
Ndërsa, Ndihmëssekretari Buland, theksoi rëndësinë e partneritetit mes ShBA-së dhe Kosovës, teksa ka ofruar mbështetjen e Departamentit të Mbrojtjes për rrugëtimin përpara drejt përmbushjes së objektivave strategjike.
“Të dy palët u pajtuan që bashkëpunimi në mes bilateral është në nivel të lartë dhe me hapa konkret për zhvillim të mëtutjeshëm në shërbim të garantimit të interesave të sigurisë të dy vendeve tona”, thuhet në njoftim.
Shpërndaje në
SONDAZH
Loading ...
