Numri i rasteve të dhunës në familje ka marrë përmasa shqetësuese në vendin tonë. Në këto raste jo rrallëherë përfshihen prindërit me fëmijët e tyre. Kështu ndodhi edhe së fundmi në një familje në Prishtinë.
Sinjali mëson se këtë herë në sherr janë përfshirë nënë e bijë, të cilat përfunduan në prangat e Policisë.
Burimet brenda Prokurorisë kanë bërë me dije se dy të dyshuarat fillimisht kanë pasur një konflikt verbal mes tyre, që eskaloi në përleshje, duke e goditur njëra – tjetrën.
Sipas informacioneve të para, në sherr është përfshirë edhe bashkëshorti i vajzës, i cili po ashtu u shoqërua në stacion policor.
Të tre kanë dhënë deklaratat e tyre lidhur me rastin, në cilësinë e të dyshuarve.
Me t’u përfunduar procedurat policore, me urdhër të prokurorit, ndaj tyre është iniciuar rasti për veprën penale “Dhunë në familje”.
Shpërndaje në
SONDAZH
Loading ...
