Forca e Sigurisë së Kosovës i është bashkangjitur sot operacionit të kërkim-shpëtimit për të riun i cili u hodh në Ujman të dielën.
Ministri në detyrë i Mbrojtjes Ejup Maqedonci, ka njoftuar se FSK-ja në kuadër të detyrave të saj thelbësore ka edhe mbështetjen e autoriteteve civile, në këtë aspekt në bashkëpunim me Policinë e Kosovës dhe KFOR-in kanë filluar operacionin e kërkimit.
“Në këtë aspekt në bashkëpunim me Agjencinë e Menaxhimit të Emergjencave, Policinë e Kosovës dhe bashkërendim me KFOR, ekipet e specializuara të FSK kanë filluar operacionin e kërkimit në liqenin e Ujmanit me synimin që sa më shpejtë të nxirret trupi i mërgimtarit dhe ti lehtësohet dhimbja familjes”, ka deklaruar Maqedonci transmeton Klankosova.tv.
