Papa Françesku ka një infeksion të frymëmarrjes dhe do të duhet të kalojë disa ditë në spital në Romë, ka bëtë të ditur Vatikani.
86-vjeçari kishte vështirësi në frymëmarrje ditët e fundit, por nuk ka Covid, por ai do të kishte nevojë për “disa ditë terapie të përshtatshme mjekësore spitalore”, thuhet në deklaratë, shkruan BBC.
“Papa Françesku është prekur nga mesazhet e shumta të marra dhe shpreh mirënjohjen e tij për afërsinë dhe lutjen”.
Stafi i tij më i afërt, përfshirë sigurimin, pritet të qëndrojë natën në spitalin Gemelli.
Kjo është periudha më e ngarkuar e vitit për Papa Françeskun, me shumë ngjarje dhe shërbime të planifikuara përpara fundjavës së Pashkëve.
Papa ka përdorur një karrige me rrota muajt e fundit për shkak të problemeve të lëvizjes që lidhen me gjurin e tij.
Ai gjithashtu iu nënshtrua një operacioni për të trajtuar një problem të zorrës së trashë në 2021. Në janar, ai tha se gjendja ishte kthyer.
Pavarësisht sëmundjeve të tij, Papa ka mbetur aktiv dhe ka ndërmarrë udhëtime jashtë vendit. Ai vizitoi Republikën Demokratike të Kongos dhe Sudanin e Jugut në shkurt.
Në janar, Papa udhëhoqi funeralin e paraardhësit të tij, Papa Benediktit XVI – i cili ishte Papa i parë që dha dorëheqjen vullnetarisht për shekuj. Ai tha se kjo ishte për shkak të shëndetit të keq.
Ai është planifikuar gjithashtu të vizitojë Hungarinë në fund të prillit.
Shpërndaje në
SONDAZH
Loading ...
