Protestat kundër bastisjeve të emigracionit në Los Anxhelos kanë hyrë në ditën e tretë, ndërsa policia ka shpallur zonën e qendrës së qytetit si një “mbledhje të paligjshme”.
Disa automjete janë djegur dhe ka pasur raportime për plaçkitje.
Një fotograf britanik ka pasur nevojë për ndërhyrje kirurgjikale pasi është qëlluar me një plumb sfungjeri, ndërsa një gazetare australiane është qëlluar me një plumb jo-vdekjeprurës gjatë raportimit.
Donald Trump tha: “Gjërat duken shumë keq në LA” dhe shtoi: “Sillni trupat!”, shkruan BBC, transmeton Klankosova.tv.
Presidenti tashmë ka thirrur Gardën Kombëtare – kundër dëshirës së guvernatorit të Kalifornisë, Gavin Newsom.
Protestat janë përqendruar kryesisht në qendër të LA-së – korrespondenti i BBC-së, Peter Bowes raporton se gjërat ishin më të qeta të dielën në mbrëmje, pas një dite të dhunshme.
