Analisti Burim Ramadani ka komentuar mundësitë për formimin e një Qeverie të re pas kërkesave për zgjedhje të shpejta parlamentare.
Ai ka paraqitur tri opsione kryesore për formimin e Qeverisë:
Qeveria Kurti 3
Qeveria e “Opozitës”
Qeveria Transitore
Ramadani sugjeron se, për shkak të vështirësive të krijimit të shumicës parlamentare, opsioni më i mundshëm është formimi i një Qeverie Transitore, një ide që po promovon LDK.
Ai vlerëson si më të përshtatshme formimin e një Qeverie të “Opozitës”, e cila do të kontribuonte në rotacionin politik të domosdoshëm për forcimin e demokracisë në Kosovë.
Në të njëjtën kohë, ai thekson se Qeveria Kurti 3 ka dështuar të krijojë shumicë, siç ka pasur vështirësi edhe në formimin e postit të Kryeparlamentarit.
Ramadani përfundon se mbetja në gjendjen e tanishme, pa Qeveri, është skenar më i dëmshëm për vendin.
Postimi i plotë:
Zgjedhje të shpejta po, por me çfarë Qeverie?
Tri opsione për Qeverinë e re, para zgjedhjeve të shpejta parlamentare:
- Qeveria Kurti3
- Qeveria e “Opozitës”
- Qeveria Transitore
• Përballë tri opsioneve për Qeverinë e re, zgjidhja e ndërmjetme (bazuar në vështirësitë e krijimit të shumicës parlamentare) duket ideja e një Qeverie Transitore, të cilën po e promovon LDK.
• Ideja më e mirë është ajo që për Qeverinë e “Opozitës”, që po e promovon PDK dhe AAK, sepse do të kontribuonte në rotacion politik të domosdoshëm për demokracinë tonë të re.
• Ndërsa, e vetmja ide që deri më tash është dëshmuar (bazuar në tentimet për Kryeparlamentaren!) se nuk ka shumicë është ideja për Qeverinë Kurti3.
P.S
Mbetja në gjendjen e tashme, në thelb pa Qeveri, është skenar më i dëmshëm!
