Ambasadori gjerman në Prishtinë, Jorn Rohde, thekson se me mohimin e krimeve në Reçak, kujtimi i të vdekurve nuk respektohet dhe plagët mbeten të hapura.
Këtë deklaratë Rode e bëri në 26 vjetorin e masakrës së Reçakut. Rohde potencoi se mohimi i asaj çka ka ndodhur në Reçak, ndër të tjera pengon edhe përparimin drejt pajtimit rajonal dhe integrimit evropian e euroatlkantik.
“Ajo që ndodhi në Reçak është fakt. Dhe për krimet që kanë ndodhur, keni raportet e OKB-së dhe OSCE-së. Mohimi i këtyre krimeve nuk respekton kujtimin e të vdekurve, plagët mbeten të hapura dhe pengojnë përparimin drejt pajtimit rajonal dhe integrimit evropian e euroatlantik”, tha Rode në një postim në rrjetin social “X”.
What happened in Recak is a fact!
And the crimes that happened are well reported, i.e. by UN + OSCE bodies.Denying these crimes disrespects the memory of the dead, keeps wounds open and hinders progress towards regional reconciliation and European and Euro-Atlantic integration. pic.twitter.com/rnfZpVlY6E
— Ambassador Jörn Rohde (@GermanAmbKOS) January 15, 2025
21 vjet më parë në Reçak u vranë dhe u masakruan barbarisht 45 shqiptarë të paarmatosur. Ky gjenocid tronditi gjithë opinion ndërkombëtar.
Ambasadori William Walker, e cilësoi ngjarjen në Reçak si krim kundër njerëzimit. Ngjarja e Reçakut është pasuar nga bombardimet e NATO-s mbi caqet serbe në Kosovë dhe Serbi.
Në luftën e zhvilluar në Kosovë më 1998/99, janë vrarë mbi 13.000 civilë dhe mijëra të tjerë janë zhdukur. Mbi 1.600 persona vazhdojnë të jenë ende të pagjetur – pjesa më e madhe e tyre shqiptarë.
Shpërndaje në
SONDAZH
Loading ...
