Ish-Kryetari i Mitrovicës së Jugut, Agim Bahtiri ka dalë me një teori në lidhje me idenë e Kryeministrit shqiptar Edi Rama, për entitetin sovran Bektashi.
Sipas tij me këtë plan do të hyj Kisha Serbe si shtet brenda Kosovës.
Bahtri tha se sa herë që Rama takohet me Vuçiqin, sjellin ide të reja për copëtimin e veriut
“Ky plan, i përgatitur nga Vuçiq, kërkon të përdorë Ramën për të legjitimuar ndarjen e Veriut të Kosovës, ku Kisha Serbe do të luajë një rol të rëndësishëm në përhapjen e nacionalizmit serb. Veprimet e Ramës rrezikojnë jo vetëm Kosovën, por edhe Shqipërinë, dhe çdo përpjekje për të fragmentuar territoret tona do të përballet me rezistencë të fortë.” – ka shkruar ndër të tjera Bahtiri.
Postimi i plotë:
Rama synon të krijojë një shtet Bektashi brenda Shqipërisë, gjë që i jep mundësi Vuçiqit të bëjë të njëjtën gjë duke futur Kishën Serbe si shtet brenda Kosovës.
Ky plan, i përgatitur nga Vuçiq, kërkon të përdorë Ramën për të legjitimuar ndarjen e Veriut të Kosovës, ku Kisha Serbe do të luajë një rol të rëndësishëm në përhapjen e nacionalizmit serb. Veprimet e Ramës rrezikojnë jo vetëm Kosovën, por edhe Shqipërinë, dhe çdo përpjekje për të fragmentuar territoret tona do të përballet me rezistencë të fortë.
Mitrovica dhe Veriu i Kosovës nuk janë pazar politik as për Ramën, as për Vuçiqin.
Të përpiqesh të luash me të ardhmen e Kosovës për të kënaqur ambiciet personale apo për të ruajtur “miqësi” të dyshimta, është një tradhti ndaj gjakut të dëshmorëve dhe dinjitetit të kombit tonë. Edi Rama duhet ta dijë se nuk ka as mandatin dhe as të drejtën të bëjë pazar me Kosovën dhe me të ardhmen tonë!
Ky plan do të mbetet një ëndërr e parealizuar e Vuçiqit.
Shpërndaje në
SONDAZH
Loading ...
