Skandaloze: Pjesëtarët e diasporës së Kosovës që jetojnë në Austri, janë duke u përballur me shumë telashe të mëdha në realizimin e shërbimeve konsullore.
Disa muaj më parë Ambasada e Kosovës, ka ndryshuar lokacionin e vjetër të punës që ishte Goldeggasse 2/15 1040 Vienna (adresa e vjetër vazhdon të mbetet ende e listuar në faqen zyrtare të Ambasadës së RKS në Vjenë, që mund të shihet edhe në http://ambasadat.net/Austria/)
Ndryshimet e reja në lokacionin e ri, ku ndodhet Ambasada, figurojnë vetëm në facebook, por këto ndryshime vetëm në facebook, janë të pamjaftueshme dhe kanë krijuar vështirësi të mëdha për qytetarët tanë, ku ende nuk e dinë shumica nga ta, se ku ndodhet saktësisht lokacioni i ri. Qytetarët tanë, në forma të ndryshme kanë shfaqur ankesa të shumta, se si ky ndryshim i adreses të re, nuk është përditësuar edhe në faqen zyrtare në internet.
Gjithashtu, qytetarët vazhdojnë të përballen edhe me realizimin e plotë të shërbimëve konsullore, ku aktualisht me këtë proces merret Marigona Vrajolli, e graduar kundërligjshëm dhe një mbështetëse dhe militante e listës Guxo dhe LVV-së, e cila ishte edhe në kabinetin e MPJD-së të znj. Gërvalla, para se të emërohej si zyrtare civile e MPJD-së.
Poashtu, është suspenduar edhe sistemi i vizave në ARKS në Vjenë, për shtetasit e huaj, ndaj të cilëve Kosova, aplikon sistemin e vizave, ky suspendim ka prekur edhe shtetas të Kosovës, që janë të martuar me shtetase ruse dhe të vendeve tjera. Kur shtetasit tanë, pyesin, pse nuk lëshoni viza ARKS në Vjenë, përgjigja nga Ambasada është se nuk kemi pajisje të sistemit të vizave, gjë që kjo është shumë e pavërtetë, sepse sistemi i vizave është instaluar në ARKS në Vjenë, vite më parë, pra diplomatet Elena Osmani dhe Marigona Vrajolli, nuk janë të afta profesionalisht të ushtrojnë edhe këtë detyrë.
Ambasada në Vjenë, ka kohë që udhëheqet nga i vetquajturi Ambasador Albinot Bimbashi, i cili nuk ka përvojë diplomatike dhe menaxheriale në drejtimin e Ambasadës së RKS në Vjenë dhe raportet e tij të punës, e dëshmojnë këtë gjë, por afërsia dhe serviliteti ndaj pushtetit, nuk e pengojnë në realizimin e kësaj detyre.
Shpresojmë që MPJD, të merr masa ndaj drejtuesit të Ambasadës dhe diplomateve të përmendura, në mos realizimin e detyrave diplomatike dhe konsullore të punës.
