Fluturimet janë vonuar dhe anuluar në aeroporte, përfshirë Heathrowin në Londër, pas një sulmi të dyshuar kibernetik që synonte një ofrues shërbimesh për sistemet e regjistrimit dhe hipjes në bord.
Aeroportet në Bruksel dhe Berlin po përjetojnë gjithashtu vonesa dhe ndërprerje pas “problemit teknik” që prek Collins Aerospace, e cila punon për disa linja ajrore në aeroporte në të gjithë botën, shkruan The Guardian, transmeton Klankosova.tv.
Heathrow tha se pasagjerët duhet të kontrollojnë statusin e fluturimit të tyre para se të udhëtojnë.
“Collins Aerospace, e cila ofron sisteme regjistrimi dhe hipjeje për disa linja ajrore në aeroporte të shumta në nivel global, po përjeton një problem teknik që mund të shkaktojë vonesa për pasagjerët që nisen”.
“Ndërsa ofruesi punon për të zgjidhur problemin shpejt, ne u këshillojmë pasagjerëve të kontrollojnë statusin e fluturimit të tyre me linjën ajrore para se të udhëtojnë. Ju lutemi të arrini jo më herët se tre orë para një fluturimi të gjatë ose dy orë para një fluturimi vendas”, thuhet në deklaratë.
