Kafeja është stimuluesi i mëngjesit dhe kënaqësia e preferuar e shumë njerëzve për pjesën tjetër të ditës. Studimet kanë treguar prej disa kohësh se kafeja është e mirë për shëndetin, edhe pse dikur kishte një reputacion të keq.
“Kafja nuk është e pashëndetshme”, thotë shkencëtarja gjermane Ana Flugel,.
“Konsumimi i moderuar i kafesë shoqërohet me një rrezik të reduktuar në përgjithësi të zhvillimit të sëmundjes”, thekson Flugel.
Por pse kafeja ka një reputacion të keq prej një kohë të gjatë?
Për shkak të qasjes së gabuar ndaj kërkimit, pretendon Flugel. Shumë pak vëmendje i është kushtuar gjësë kyçe që shpesh “shkon bashkë” me kafen, pirjen e duhanit.
Fakti është se duhanpirësit pinë më shumë kafe dhe se sëmundjet e lidhura me duhanin i janë atribuar padrejtësisht kafesë në të kaluarën.
Studimet e fundit kanë treguar se kafeja ka një efekt të caktuar parandalues ndaj kancerit të mëlçisë dhe fshikëzës, dhe e njëjta gjë vlen edhe për diabetin e tipit 2.
Rreziku i zhvillimit të presionit të lartë të gjakut nuk lidhet me konsumimin e kafesë, thekson Flugel.
Pra, rregulli i përgjithshëm është se kafja mund të pihet pa pendim dhe ka përfitime për shëndetin. Mbetet për t’u parë se si ndikon kafeja në trup.
Tre teoritë më të përhapura
Së pari: Kafja shkakton dehidratim
E pasaktë. “Kafja është një diuretik natyral, por mund t’i shtohet sasisë së lëngjeve që konsumoni gjatë ditës, siç është uji”, thotë Flugel.
Në përgjithësi rekomandohet të merrni 1,5 deri në dy litra lëngje në ditë.
Së dyti: Sa më shumë kafe të pini, aq më e vështirë do të jetë për ju të bini në gjumë
E pasaktë. Sa shpejt metabolizohet kafeina varet nga personi, shpjegon Flugel.
“Për disa, gjysmë filxhani mjafton për ta kthyer natën në ditë dhe për të tjerët, ata mund të pinë katër gota nga kjo pije dhe të flenë si një foshnjë”.
Dhe lind pyetja e zakonit të trupit ndaj kësaj pije. Nëse pini rregullisht shumë kafe, një filxhan nuk ka një efekt më të fortë në gjumë.
Së treti: Kafja ndikon në tretje
Eshte e vertete. Për shumë, kjo është pjesë e rutinës së mëngjesit. Një filxhan kafe për të nisur ditën, pastaj shkoni në tualet. Kjo mund t’i atribuohet kryesisht kafeinës, thotë Flugel, sepse ka një efekt stimulues në metabolizëm.
Por edhe ky nuk është një rregull i përgjithshëm. Shkalla në të cilën kafeja stimulon sistemin tretës është individuale dhe sërish varet nga organizmi i individit.
Shpërndaje në
SONDAZH
Loading ...
