Në Rusinë perëndimore, jo shumë larg kufirit ukrainas, një tren u përplas me një urë të shembur. Atje mbetën të vdekur shtatë persona dhe 66 të tjerë u plagosën.
Tre persona të plagosur, përfshirë një fëmijë, janë në gjendje të rëndë për jetën. Në tren ndodheshin gjithsej 388 pasagjerë, transmeton Klankosova.tv
Sipas raportimeve të medias, shembja e urës rrugore mbi shinat u parapri nga një shpërthim.
Kurse, në distriktin Zheleznogorsk, ura u shemb ndërsa një tren mallrash po udhëtonte mbi të, tha Alexander Khinshtein, guvernator i rajonit Kursk.
Sipas disa raportimeve në media, shkaku i aksidenteve ishte vendosja e eksplozivëve. Në rajonin e Kurskut, ato u instaluan rreth 30 metra larg urës dhe një nga shtyllat mbështetëse nën rrugë. Si pasojë e shpërthimit, një pjesë e lokomotivës ra. Treni përbëhej nga 100 vagona mallrash.
