Tre autobusë kanë eksploduar në qytetin Bat Yam, në jug të Tel Avivit në Izrael, kanë njoftuar autoritetet policore.
Policia izraelite thotë se bëhet fjalë për një “sulm të dyshuar terrorist”, raporton BBC.
Sipas autoriteteve policore, pajisjet në dy autobusë të tjerë nuk kanë arritur të shpërthejnë, ndërsa raportohet se forca të mëdha policore janë në vendin e ngjarjes, duke kërkuar për persona të dyshuar në lidhje me rastin.
Ministri i Transportit, Miri Regev, ka bërë thirrje për ndalimin e të gjithë autobusëve, trenave dhe trenave të lehtë në vend, ndërkohë që u kryen kontrolle për mjete shpërthyese.
Deri më tani, nuk është raportuar për persona të lënduar, ndërkaq autoritetet iu kanë bërë thirrje qytetarëve që të qëndrojnë vigjilentë.
